Тәрбие жұмысы

     Жыл сайын қыркүйек айында студенттер және тәлімгерлер «Білім күніне» арналған акцияға қатысады. Барлық оқу топтарында  «Президенттік шақырым – денсаулыққа жол» атты іс-шаралары болып өтеді.
Студенттер «Республика күніне», «Қала күніне» арналған іс-шараларға қатысады. «СПИД - ХХ ғасырдың дерті» атты дөңгелек столда есірткінің, темекі шегудің және арақ ішудің адам ағзасына зиян екендігі туралы кеңінен атап өтілді. Студенттер аймақтық, қалалық, университетаралық, халықаралық  спорттық жарыстарға белсенді қатысады.
«Жастар және саясат» атты тәлімгерлік сағаты, «Қазақстанның болашағы жастардың қолында», «Ғылым және өмір», «Ғылым және жастар» атты диспуттар мен семинарлар болып тұрады.

     Студенттер тәлімгерлермен бірге қала музейлері мен театрларға барады. Барлық оқу топтарында «СПИД-ке жол жоқ, есірткіге жол жоқ» атты тақырыпта әңгімелесу жүргізіледі.
Кафедра студенттері «Қазақстан Республикасы Тәуелсіздік күніне» арналған спорттық жарыстарға белсене қатысып, Олимпияда ойындарына қатысушылармен, республикаға, облысқа және қалаға танымал ең таңдаулы спортшылармен кездесіп отырады.
Кафедра студенттері «Жасыл ел» және студенттік құрылыс отрядтарында белсенді жұмыс істейді.
    Студенттер «Халықаралық әйелдер күні - 8 мартқа» және «Наурыз» мерекесіне арналған іс-шараларға белсенді қатысып отырады.
    Кафедра оқытушылары Елбасы Н.Ә.Назарбаевтың «Қазақстан Халқына» жолдаған Жолдаулары туралы №1 жатақхана студенттерімен әңгімелесу жүргізеді.
     «Жеңіс Күніне» және Ауған соғысы ардагерлеріне арналған тәлімгерлік сағаттары өтіп отырады.

 

 

«Бастапқы әскери дайындық» кафедрасында «Патриот» үйірмесі жұмыс жасайды, үйірме жетекшісі – аға оқытушы, магистр Елубаев С.И.  Үйірме құрамында 20 мүше бар. Үйірме әскери-патриоттық тәрбие бағыты бойынша ғылыми-зерттеу жұмыстарымен айналысады. Үйірмеде рефераттар, студенттік баяндамалар жазу үшін оқу-әдістемелік әдебиеттерді таңдап алуға көмек беру мәселелері қарастырылады; конференциялар, байқаулар, семинарлар және басқа да ғылыми-танымдық мазмұндағы іс-шаралар туралы ақпараттар беріледі. Аға оқытушы Бекбосунов А.Қ. «Болашақ АӘД оқытушыларына патриоттық құндылықтардың құруы» тақырыбы бойынша докторлық диссертация бойынша жұмыс істеуде.

   Жыл сайын кафедрада студенттік мәслихаттар, әскери - спорттық жарыстар , іскер тематикалық ойындар, дөңгелек үстелдер өткізіледі.

   Мамандық оқу барысында студенттер әскери-далалық жиындарға «Ақтас» полигонында орналасқан әскери бөлімінде және сонымен қатар облыстың тарихи, табиғи орындарына турлар іске асырылады.

   Студенттерге ҰОС және Ауғанстан соғысының ардагерлерімен кездесулер, әскери - спорттық шаралар ұйымдастырылады.

   Студенттер факультет және университеттің ғылыми семинарларына, семинар-тренингілеріне белсенді қатысады.