Спорттық пәндер және жекпе-жектер

 

Кафедра меңгерушісі:
Ерепбаев Нурлан Кыдырбекұлы  - педагогика ғылымдарының кандидаты, доцент  м.а.

Мекен жайы: Шымкент қ. 486018,Тауке-Хан  көш 5,  № 12, «Денсаулық»
Телефон:   53-02-49

 

►Профессор-оқытушылар құрамы

Барлық мәліметтер

"Спорттық пәндер және  жекпе-жектер" кафедрасы  М. Әуезов атындағы Оңтүстік Қазақстан мемлекеттік университетінің шешімімен екі кафедраның "Спорттық күрес және қолданбалы спорт түрлері" және "Бокс және ұлттық спорт түрлері" кафедрасының бірігуімен қайта құрылды.    

5В010800 – «Дене тәрбиесі және спорт» мамандығы бойынша бітірушілерге «Дене тәрбиесі және спорт бакалавры» квалификациясын беріледі.         

Мемлекеттік стандарт  және ҚР білім туралы заңына сәйкес, оқу процесін ұйымдастыруда оқудың  кредиттік жүйесі енгізілді. Осыған сәйкес студенттердің өз бетінше білім алу қабілетін жетілдіру үшін, оларға жеке дифференциалдық жағдай жасалынуда.

Кафедрада күрес түрлерінен (грек-рим және еркін күрес, самбо, қазақша күрес, дзю-до), бокстан, спорт ойындарынан (футбол, баскетбол, гандбол, волейбол, гимнастика), жүзуден, жеңіл және ауыр атлетикадан, шығыс жекпе-жектерінен және ұлттық спорт түрлерінен мамандар дайындайды. Кафедрада  оқу-жаттықтыру бойынша:  2 – күрес залы, 1 –бокс залы, 1-штангы залы, 1-ойын залы, 1-жеңілатлетикалық манеж, 1-жүзу бассейні, стадион бар.

Кафедра 2013-2014 оқу жылының нәтижесі бойынша « М.Әуезов атындағы ОҚМУ үздік кафедрасы» наминациясының  жеңімпазы болып  куәлікпен мараппатталды

Кафедрада осы оқу жылында 14 оқытушы, 2 лаборант қызмет атқарады.

2016-2017 оқу жылында «Спорттық пәндер және жекпе-жектер» кафедрасының оқытушылар құрамында 3 - педагогика ғылымының кандидаты және профессор, 1-доцент,  сондай-ақ кафедрада халықаралық дәрежедегі төрешілер, ҚР еңбегі сіңірген жаттықтырушылар, спорт шеберлері студенттерге дәріс береді.

Біздің жетістіктер

Ал енді біздің спортшыларымыздың соңғы жеткен жетістіктеріне тоқталсақ: Лондон олимпиадалық ойындарының қатысушысы Елена Шалыгина - Азия чемпионы 2012ж. Еркін күрестен спорт шебері Ержан Дүйсебеков – Азия чемпионатының қола жүлдегері 2012ж. Александра Подрядова 2012ж қыркүйек айынды өткен әлем кубогында дзю-додан 1 орынды иеленді. Халқаралық деңгейдегі спорт шебері Абилда Ержан армрестлингтен  әлем чемпионы  ( Сан-Паоло 2012ж).  Таиландта өткен әлем чемпионатында біздің студентіміз Інкар Ермуқамбед – еркін күрестен қола жүлдегері Жазира Жапаркүл  Гватемальда өткен әлем чемпионатында ауыр атлетикадан - әлем чемпионы 2012 ж., 2014 жылғы жастар олимпиада ойындарында күміс жүлдегері, 2015 жылы Хьюстон(США) қаласында өткен әлем чемпионатында күміс жүлдегері, 2016 жылғы жазғы олимпиаданың  күміс жүлдегері.  2015 жылы Оңтүстік Кореяда  Кванжу қаласында өткен  Дүниежүзілік универсиада Мамаев Н. таэквондадан 1- орынға ие болды. 2015 жылы Жанбота Алдабергенова Европаның  кубогында фристайлдан 1-орын алды және Италияда өткен Әлем чемпионатында  күміс жүлдегері.

2015 жылы ОҚМУ – дың футболдан құрама командасы ҚР жоғарғы оқу орындарының  арасындағы  VIII-жазғы Универсияданың  қола жүлдегері.

Кафедрада жүргізілетін тәрбие жұмыстары.

Оқу жылының басында факультеттің тәрбие жұмысының жоспарына сәйкес етіліп,   кафедралық тәрбие жұмысының жоспары жасалынады. Жоспар бойынша іс-шаралар өткізіліп, хаттамалар жазылады. Тәлімгерлік сағаттың өткізілу мерзімі бекітіліп, кесте бойынша барлық тәлімгерлер тәлімгерлік сағатын өткізеді. Барлық топ студенттеріне сабақтан тыс уақытта спорттық үйірмелер ұйымдастырылып, қадағаланып отырылады. Топ студенттері ҚР-ның конституциясы мен «Білім туралы» заңмен таныстырылады.  Тәрбие жұмысы бойынша өткізілетін іс-шаралар, оның ішінде: қоғамдық-саяси және құқықтық іс-шаралар,  интернационалдық  және патриоттық тәрбие, діни экстремизм мен халықаралық терроризмнің алдын алу іс-шаралары, адамгершілік мәдени және эстетикалық тәрбие, ғылыми зерттеу және шығармашылық іс-шаралары, жатақханадағы іс-шаралар, студенттерді спорттық бұқаралық түрлеріне тарту және салауатты өмір салтын насихаттау іс-шаралары, студенттерге кәсіби тәрбие беру іс-шаралары, жетім, жартылай жетім, жағдайы төмен және көп балалы отбасы мүшелері студенттерге қайырымдылық көмегін көрсету іс-шаралары.

Біздің спортсмендер

Жазира Жаппарқұл   Жанбота Алдабергенқызы
Мамаев Нұрсұлтан Хасанов Роман Айхынбай Шалқар