Жалпы мәлімет, кафедра тарихы
Психология кафедрасы 1991 жылы Шымкент педагогикалық дене тәрбиесі институтында құрылған. Кафедраның негізгі мақсаты барлық бағыттағы мамандықтар бойынша 1-2 курс студенттеріне психология пәнін оқыту болып табылды.
1993 жылы Шымкент педагогикалық дене тәрбиесі институтында «Практикалық психолог» мамандығы ашылды. Осы жылдан бастап кафедра 050103-«Педагогика және психология» мамандығы бойынша кадрларды дайындауды жүзеге асыра бастады. 2005 жылдан бастап кафедра 050105-«Дефектология» мамандығы бойынша студенттерді және сонымен қатар 050103-«Педагогика және психология» мамандығы бойынша магистрлерді дайындады.
Университеттердің қайта ұйымдастырылу және үш университет базасының бірігу кезеңінде Оңтүстік Қазақстан гуманитарлық университетінің негізінде психология кафедрасы 1997 жылы қайта ашылды.
2013 жылдың қыркүйек айынан бастап кафедраға пс.ғ.к., профессор Лекерова Гүлсім Жанабергенқызы  меңгерушілік жасауда.
Кафедраның профессор оқытушылар құрамы. Кафедрада 25 оқытушы жұмыс істейді, оның ішінде – 1 психология ғылымының докторы, профессор, 2 педагогика ғылымының докторы, 2 профессор, 6 педагогика ғылымының кандидаттары,3 доцент, 12 педагогика және психология магистрлері жұмыс жасайды. Кафедраның аға оқытушысы Г.Т. Айтжанова  «Болашақ» стипендиясы бойынша Мәскеуде білім алды.

Г.Т.Айтжанова  «Болашақ» бағдарламасының  20 жылдығына орай ұйымдастырылған ғылыми конференцияда

Қазақстан Республикасы Білім Беру жүйесінің басшы және ғылыми-педагогикалық қызметкерлерінің біліктілігін арттыратын республикалық институты, Өрлеу біліктілікті арттыру ұлттық орталығында біліктілікті  арттыру курстарынан психология және дефектология кафедрасының оқытушылары Лекерова Г.Ж., Керімбекова Ж.Ө., Исабекова А.О., Султанова К.А., Молдаханова М.М., Абдукаримова У.А., Нигматуллина Ж.Ш., Досжанова Ж.Т., Қалыбекова С.К., Малғайдарова Г., Нұрханова Г.Б. арнайы дайындықтан өтіп, сертификаттар алды. Оқытушы Бегалиева Л.Ж. Португалияның Лиссабон қаласында «Isell» техникалық институтында біліктілігін жоғарылатып, сертификат алды.

Психология және дефектология кафедрасының меңгерушісі пс.ғ.д., профессор Лекерова Г.Ж. және аға оқытушы Сұлтанова К.А. арнайы сертификат алды.

«Өрлеу» Ұлттық білім жетілдірукафедраның аға оқытушысы М.Молдаханова.

Сонымен қатар қыркүйек айында Оңтүстік Қазақстан политехникалық колледж базасында психология ғылымдарының халықаралық академиясы Орта – Азия психологтар конгресін өткізді және психология және дефектология кафедрасының профессор оқытушылары қатысты. Кафедра меңгерушісі пс.ғ.д., профессор Г.Ж.Лекерова «Адам факторы» медальімен марапатталып, психология ғылымдарының халықаралық академиясы ның корреспондент-мүшесі атағын алды.

Орта – Азия психологтар конгресінде кафедра оқытушылары пс.ғ.д., профессор В.В.Козловпен бірге

Қазақ хандығының 550 жылдығына арналған студенттік ғылыми-теориялық конференциясы

«Жастар арасында құқық бұзушылықтың алдын алу және психологиялық ахуалын анықтау» тақырыбындағы облыстық семинар-тренингке кафедрамыздың ұстаздары Исабекова А.О., Бахрамова Г.А., Сұлтанова К.А., Малғайдарова Г.Т. қатысып, арнайы алғыс хаттармен марапатталды.

Кафедра оқытушылары оқыту үрдісінде мынадай инновациялық психотехникалық және психотехнологиялық әдістерді кеңінен қолданады: гештальт- терапия, арт-терапия, дене бағдарлау психотерапия, ертегі терапиясы, Келли психоролдік элементтер терапиясы, саяси-психологиялық тренингтер, жеке тұлға дамуындағы тренингтер, ырғақты педагогикалық және релаксациялық технологиялар. Сондай-ақ оқытушылар интерактивті оқыту әдістері мен интерактивті тақтаны пайдалана отырып сабақ өту мүмкіндіктеріне ие.

Ф.ғ.к., аға оқытушы А.Абитиярова ФК12-3к3 тобында,  ашық сабақ өтуде.

Ғылыми бағыттары мен жұмыстары          

Кафедраның басты ғылыми зерттеу жұмысы «Жаңа оқыту аймағында болашақ психологтар мен дефектологтарды кәсіби даярлаудың теориялық және методологиялық негіздері» атты тақырып бойынша біздің әріптестеріміз ғылыми мақалалар, баяндамалар, оқулықтар және оқу –әдістемелік құралдар жазуда.

Білім беру жүйесінде инновациялық психотехника және психологиялық технологияларды қолдану мәселесі бойынша кафедра конференцияларды ұйымдастыруға және өткізуге белсенді қатысады, сонымен қатар таным процестерінің қалыптасуына, дамуына, жеке тұлғаның эмоциялық –қайраттың дамуына, этникалық толерантты және жан –жақты даму бағытында психологиялық тренингтер жүргізіледі.

Кафедра оқытушылары студенттердің ғылыми зерттеу жұмысына жетекшілік жасайды, олардың жетістіктері әр жылы өтетін студенттік ғылыми конференцияның еңбек жинағында жарық көреді.

Кафедра базасында Позитивтік технологиялар және психологиялық консалтинг орталығы, Психологиялық кеңес беру орталығы мен МШБ коррекциялық даму орталығы қызмет жасайды.

Кафедра оқытушылары студенттердің ғылыми зерттеу жұмысына жетекшілік жасайды, олардың жетістіктері әр жылы өтетін студенттік ғылыми конференцияның еңбек жинағында жарық көреді.

Желтоқсан  айында психология және дефектология кафедрасында білім  мен ғылымның қазіргі өзекті мәселелері атты студенттердің 17 ғылыми практикалық конференциясы  өтті.

Кафедрада «Жас психолог» және «Үміт» үйірмелері жұмыс жасайды.  Педагогика және психология,  Дефектология  мамандықтарының студенттері жыл сайын Республикалық олимпиядаларға қатысып, жүлделі орындарды иеленіп келеді.  «Жан сыры» тобы, топ жетекшісі педагогика және психология магистрі, аға оқытушы Молдаханова М.М.  5В010300 - «Педагогика және психология» мамандығы бойынша «Қалыптасқан Қазақстанның жаңару жағдайында болашақ  педагог – психолог мамандарының келбетін қалыптастырудың ғылыми негіздері» тақырыбынды Түркістан қаласында өткен Y Республикалық білімгерлердің пәндік олимпиадасына қатысты.

«Жан сыры» тобы және топ жетекшісі М.М.Молдаханова

«Психология және дефектология» кафедрасының студенттері республикалық пәндік олимпиадалардың бірнеше дүркін жеңімпаздары болып жүр.

«Психология және дефектология» кафедрасының студенттері түрлі тренингтер мен конференциясының белсенді қатысушылары. 

5В010500 - «Дефектология» мамандығы бойынша «Қазақстан Республикасы, Повлодар мемлекеттік университетінде  Y Республикалық олимпиядасына «Шуақ» тобы қатысып,  жүлделі үшінші орынды иеленді.

Академилық ұтқырлық. Елбасы Н.Ә.Назарбаев Қазақстанды әлем­дік деңгейдегі білім орталығына ай­налдыру қажеттілігіне баса назар аударған еді. Әлемдік озық тәжі­рибелерді талдап, таразылай оты­рып жасалған Қазақстан Рес­пуб­ликасында білім беруді дамыту­дың 2011-2020 жылдарға арнал­ған мемлекеттік бағдарламасында – жо­ға­ры оқу орындарының қызме­тін жоғары білім берудің әлемдік үлгісіне сәйкестендіріп, акаде­мия­лық ұтқырлықты қалыптас­тыру – жүзеге асырылуға тиісті мін­деттердің бірі ретінде көрсетілген. Қазақстан Республикасының Білім және ғылым министрлігі еліміздегі жоғары оқу орында­рында білім алушылардың акаде­миялық ұтқырлығын жүзеге асы­руға ерекше ден қойып отыр.

Осы мақсатты жүзеге асыру барысында бүгінде біздің факультеттеде бірнеше атаулы жұмыстар жүзеге асырылуда. Атап айтар болсақ қазан айында шетелдік жоғары оқу орын­дарымен бірлесе отырып, қос дип­ломды білім беру бағдарламаларын жүзеге асыру мүмкіндігін кеңейту, шетелдік жоғары оқу орындарының білікті мамандарын шақырту ар­қылы академиялық ұтқырлықты жүзеге асыру шараларын түр­лендіру бағытында Түркия Республикасының Балыкесер университетінің докторы, профессор Джемаль Океан мырзамен кездесу өтті. Кездесу барысында студенттер академиялық ұтқырлыққа қатысты сұрақтарын қойып, мәліметтер алды.

Түркия Республикасының Балыкесер университетінің докторы, профессор Джемаль Океан мырзамен кездесу

Ал психология мамандығының студенттерімен 29.10.2013 күні Польша елінің  докторы, профессор Стефан Дырко кездесу ұйымдастырылды.

30 казан күні Великобританиядан доктор, профессор Ильям Патиар келіп, дефектология мамандығының студенттерімен кездесу ұйымдастырды. Кездесу барсында студенттер ағылшын тілінде профессорға сұрақтар қойып, ол елдегі оқу процесі туралы және дефектология мамандығы туралы мәліметтер алды.      Сонымен қатар ішкі академиялық ұтқырлық бойынша 5В010500-«Дефектология» мамандығының ФК12-2к тобының 2 курс студенті Қасымбек Сандуғаш Жарқынбекқызы, ФК13-2к2 тобының 1 курс студенттері Төребек Айкерим Ерикқызы мен Жаңылбай Айза Қайратқызы Алматы қаласындағы Қазақ мемлекеттік Қыздар педагогикалық университетінде білім алуда.

«Психология және дефектология» кафедрасының ФК-12-3к2 тобының студенті Рахымбай Салтанат Лодзь қаласының университетінде білім алды (Польша).

Тәрбие жұмысы. Кафедраға қатысты 5В010300-«Педагогика және психология»,  мамандығында 166 студент,  5В010500-«Дефектология» мамандығында 150 студент білім алуда.  Барлық студентер тәрбие жұмыстарына белсене қатысады. Тәрбие жұмысы 10 бағыт бойынша жүргізіледі.    Кафедраның тәрбие жұмысы мемлекеттік тілді терең біліп уйренуге, жатақханада тұратын студентттердің бос уақытын мәдени іс-шаралармен ұйымдастыру, студенттерде азаматтық қасиетпен озаттыққа талпыну қасиеттерін, ҚР призиденті Н.Ә. Назарбаевтың жыл сайынғы Қазақстан Халқына Жолдауын түсіндіруді қамтиды.

Қазақстан Республикасы тұңғыш президент күніне арналған студент жастардың «Мен жастарға сенемін» республикалық патриоттық фестивалінің «Ең үздік» номинациясының жеңімпазы 12-3к3 тобының студенті Сапарбай Әсел.

Келешек ұрпақтың рухани дамуына, өзін-өзі тануына және жеке тұлғалық артықшылығын түсіндіріп, өмірге деген көзқарасын өзгертуге, «суицид» ұғымын меңгертіп, өз-өзіне қол салудың алдын алу, өз уақытында психологиялық, салт-дәстүрлік көмек көрсетуге студенттерді баулу мақсатында кітапхана қызметкерлерімен бірлесіп  оқу залында «Суицид және ажал» тақырыбында дөңгелек үстел өтті.

«Суицид және ажал» тақырыбындағы дөңгелек үстел, баяндамашы 12-3к тобының студенті Асатуллаева Шолпан.

«Жетім көрсең жебей жүр» қайрымдылық іс-шарасы бойынша белсенді жастар  №2 балалар үйінде

ФК 14-3к2 тобының студенттері тәлімгер, оқытушы А.Сарипбековамен Көркемөнер музейінде экскурсияда

ФК 15-3р тобының студенттері ОҚМУ музейінде

ФК 15-2к2 тобының тәлімгері  Бейсенбаева Г.К. «Тәуелсіздік-азаттық алтын діңгегі»атты тәрбиелік іс-шара ұйымдастыруда

Біздің жетістіктеріміз.

Кафедрада 2009 жылдан бері пихологиялық пәндерді өтуге практикалық сабақтар жүргізілетін интерактивті тақтамен жабдықталған әдістемелік кабинеті жұмыс істеп келеді.

Кафедраның профессор оқытушы құрамы әдістемелік жұмысқа көп көңіл бөледі. Кафедраның қалыптасу барысында оқытушылар 9 монография, 30 оқу құралы шығарды, бұл оқу құралдары жеке тұлғаның шығармашылық өзіндік дамуы және білім беру мекемелеріндегі басқару психологиясы мәселелерінің негізгі аспектілерін бейнелейді, сондай-ақ полимәдениетті білім беру орталығындағы студенттің жеке тұлғасын жан жақты қалыптастырудың психологиялық педагогикалық негіздеріне тоқталады.

Кафедраның профессор оқытушылар құрамы жыл сайын түрлі пәндерден практикалық сабақтар мен СӨЖ түрлері, курстық және дипломдық жұмыстарды орындау бойынша әдістемелік нұсқаулар шығарады. Кафедра барлық оқытылатын пәндер бойынша оқу-әдістемелік кешендер жасау жұмысын жүргізеді. Оқытушылар қазақ және орыс тілдерінде электрондық оқулықтар шығарды. Атап айтар болсақ  пс.ғ.к., профессор Г.Ж.Лекерованың 250 астам ғылыми мақалалары оның ішінде 1 монография, 12 оқулық, 40 электронды оқулықтары жарық көрген. Сонымен қатар пс.ғ.к., профессор Г.Ж.Лекерова 2010 жылы ҚР Білім және Ғылым министрлігінің грантын ұтып алды, «ЖОО үздік оқытушысы» медалін және атағын алды.

Кафедраның доценті, п.ғ.к., А.О. Исабекова 2009 ҚР Білім және Ғылым министрлігінің білім беру грантының конкурсанты, 2012 жылы Қазақстан педагогикалық ғылымдар академиясының корреспондент-мүшесі, 2013жылы Қазақстан білім беру ісінің құрметті қызметкері атағының иегері. 150 ден астам ғылыми мақалалары оның 3 оқулық, 10 оқу әдістемелік құралдары бар.