Факультет туралы

 

Факультет деканы

Жолдасбеков Абдиманап Абдразакович​

Педагогика ғылымы докторы, профессор

 

Мекен-жай: Шымкент қ., 160012, Байтурсынов көшесі, н/з, М.Әуезов атындағы ОҚМУ.

Телефон: 8(7252) 21-43-69

Декан орынбасары: Есипов Владислав Владимирович

Деканның тәрбие ісі жөніндегі орынбасары: магистр, Малдыбаева Гулсара Турганбаевна

Деканның ғылыми жұмыс бойынша орынбасары: п.ғ.к., аға оқытушы Жунсибекова Жанна Алхановна

Администратор: ф.ғ.к. доцент қ.а. Абитиярова Айгуль Абитияровна

Факультет бойынша сайтқа жауапты: Алтаева Гульназ Нурсеитовна.

E-Mail: magistr-2014mail.ru

 

Жалпы мәліметтер

Дене шынықтыру және спорт факультеті М.Әуезов атындағы ОҚМУ-нің көне заманнан келе жатқан және ірі бөлімшелерінің бірі.

1966 жылы Шымкент мемлекеттік педагогикалық институтында алғаш рет «Дене тәрбиесі» мамандығына 25 студент қабылданды. 1970 жылы ол төмендегі 3 кафедрадан құралған «Дене тәрбиесі» деп аталатын тәуелсіз факультетке айналды: «Дене тәрбиесінің теориясы мен әдістемесі», «Спорт пәндері», «Жалпы дене шынықтыру». 1990 жылы п.ғ.д., академик, ҚР еңбек сіңірген жаттықтырушысы М.Б.Сапарбаев басшылығында Шымкент мемлекеттік педагогикалық институтының дене тәрбиесі факультеті және Шымкент дене тәрбиесі техникумының негізінде 1966 жылы Мәдениет педагогикалық институтының М.Әуезов атындағы Оңтүстік қазақстан гуманитарлық университетіне өтуімен қатар Шымкент педагогикалық дене тәрбиесі институтына айналды.

Қазіргі уақытта факультетте 8 кафедра жұмыс жасайды: «Дене тәрбиесi, спорт iлiмi мен әдiстемесi», «Бастапқы әскери дайындық», «Психология және дефектология», «Биологияны оқытудың теориясы мен әдістемесі», «Спорт пәндерi және жекпе-жектер», «Жалпы психология», «Гуманитарлық және педагогикалық мамандықтарына арналған дене тәрбиесi», «Агро, экономика және заң мамандықтарына арналған дене тәрбиесi».

Факультетте 151 педагог мамандар жұмыс жасайды, оның ішінде 8 профессор, ғылым докторлары, 43 доцент, ғылым кандидаттары, 7 Қазақстан Республикасының еңбек сіңірген жаттықтырушылары және  21 Қазақстан Республикасының спорт шеберлері, 52 магистр, 32 аға оқытушы және оқытушылар.

Факультеттің 6 кафедрасында («Дене тәрбиесi, спорт iлiмi мен әдiстемесi», «Бастапқы әскери дайындық», «Психология және дефектология», «Биологияны оқытудың теориясы мен әдістемесі», «Спорт пәндерi және жекпе-жектер», «Жалпы психология») 1100 студенттер және магистранттар білім алуда, факультет қабырғасынан жыл сайын 200 ге жуық мамандар бітіріп шығады.

Миссия

Факультет миссиясы бүгінгі күні және болашақта еңбек нарығында талапқа ие болатын, өңірде салауатты өмір салтын және жастардың әскери-патриоттық тәрбиесінің дамуына үлес қосатын жетекші мамандарды дайындау.

Факультеттің білім беру қызметі жоғары сапалы оқу процесін қамтамасыз етуге мүмкіндік беретін, қазіргі заманғы басқару және бақылау жүйелерін пайдалана отырып білім мен ғылымды біріктіру негізінде жоғары білікті мамандарды даярлауға арналған оқытудың инновациялық әдістеріне бағытталған.

Бағдарлама

Қазіргі уақытта факультетте магистр бағдарламасын жалғастыру мүмкіндігімен төрт жылдық бакалавр дайындауды қамтыған дүниежүзілік көпдеңгейлі үздіксізбілім беру жүйесі бойынша мамандар дайындалуда.

Материалдық база:

Факультет кабель және кабельсіз Интернетке қосылған 19 мамандандырылған лаборатория және кабинеттермен, компьютер кластарымен, оқу-дала базасымен, ботаникалық бақша және жылыжаймен қамтылған. Үлкен спорт жетістіктеріне жету үшін университетте жақсы спорт базасы бар: “Буревестник“, “Денсаулық“ спорткешендері, 12 спорт залы, 3 футбол алаңы, су басейні, әлем стандарттарына жауап бере алатын, жеңіл атлетика залы, 2 бокс залы, 2 күрес залы, 2 теннис корты, 2 ауыр атлетика залы, ашық спорт алаңдары бар.

М.Әуезов атындағы Оңтүстік Қазақстан мемлекеттік университеті спорттық қызмет жүргізу барысында Қазақстан жоғары оқу орындарының көшбасшысының бірі болып табылады.

Осы күнгі дейінгі уақытта дене шынықтыру және спорт факультеті құрылғаннан бері, мұнда Олимпиада ойындарының қатысушылары, әлем чемпионаттарының, Еуропа және Азия чемпионаттарының жеңімпаздары мен жүлдегерлері білім алды.

Жылдар бойы Алия Юсупова, Бекзат Саттарханов, Татьяна Хромова, Татьяна Бочарова, Бахыт Ахметов, Ольга Довгун сияқты студенттеріміз республика олимпиада командасының мүшелері болды. Мақтанышпен айта кеткен жөн, ОҚМУ-нің бірнеше студенттері Рио-де-Жанейро олимпиадасына қатысуға лицензияға ие болды. Олар Жазира Жаппаркуль (ауыр атлетика), Кайрат Ералиев (бокс), Андрей Могилевский (стендтік ату).

2013 жылғы Казань қаласында өткен Бүкіләлемдік Универсиадада ҚР құрама командасының құрамында университетіміздің 15 студенті болды. О.Снегиревич оқпен ату бойынша 1-орынға, Б. Примбаев еркін күрес бойынша 3-орынға, А.Мищук стендтік ату бойынша 3-орынға ие болды.

2015 жылы Оңтүстік Кореяның Кванджу қаласында өткен Бүкіләлемдік Универсиадада таэквондо бойынша 4-курс студенті Н. Мамаев алтын медальға ие болып, жарыс нәтижелері бойынша планетамыздың ең мықты таэквондошысы атанды, университетіміздің студенттері Фролов А., Почивалов В., А. Мищук ату бойынша қола медалдарына ие болды.

2014 жылы Азия ойыдарында (Инчхон) 10 студентіміз қатысты. М. Дмитриенко,Середа Оксана ойын Чемпиондары болды. Қола медалін Н.Мамаев (тхэквондо) алды. Тағыда қола медаліне А.Могилевский (стендтік ату), (бокс) К Ералиевтерде ие болды.

2014 жылы Д.Дамен белбеу күрес бойынша әлем чемпионы атанды, Г. Турмаханова самбо күресі бойынша ілем чемпионы атағына ие болды. С.Есен  дзюдо бойынша халықаралық турнирінде «Гран-При» алса, Н. Сабиров бокс бойынша студенттер арасында әлем чемпионы атанды.

2-курс студенті Жазира Жаппаркуль ауыр атлетика бойынша ҚР-ның еңбек сіңірген спорт шебері, жастар арасында Олимпиада ойындарының чемпионы, жастар арасында Әлем чемпионы, 2014 жылғы ересектер арасында әлем чемпионатының күміс жүлдегері, 2015 жылы Хьюстон (АҚШ) қаласында өткен Әлем Чемпионатының күміс жүлдегері, 2016 жылы Рио-де-Жанейро қаласында ұйымдастырылатын Олимпиада ойындарына қатысуға лицензияға ие болды. 20-курс студенті Жанбота Алдабергенова фристайл бойынша Әлем Чемпионатының күміс жүлдегері және 2015-2016 жылғы маусым нәтижелері бойынша Европа кубогының жеңімпазы атанды.

Университеттің мақтанышы мен айбыны- бұл «Сұңқар» клубындағы 19- тренер және 21 спортсекция бар күшін дайындыққа арнаған спорттық дегдар. Олардың арасында – бесеуі ҚР-ның еңбек сіңірген жаттықтырушылары, 11 жоғары деңгейдегі жаттықтырушылар және  5 халықаралық деңгейге ие болғандар.

Олардың көп еңбекті талап еткен жұмыстарының нәтижесі таң қалдырарлық: ОҚМУ-нің 45 студенті әр түрлі спорт түрлері бойынша ҚР-ның құрама командасының мүшелері, олардың есімі республиканың спорттық шежіресінде мәңгілік енді.

Жыл сайын ОҚМУ ғылыми кеңесінің шешімімен талантты спортшыларды қолдау үшін 50 университет гранттары бөлінеді.

 

Біздің түлектеріміз

Қазіргі күнде факультетіміз түлектері Қазақстан Республикасы бойынша білім беру саласында және дене шынықтыру және спорт мекемелерінде жұмыс жасауда. Факультетіміз түлектерінен – А.Юсупова магистр, көркем гимнастика мектебінің директоры, ҚР-ның аға тренері, М Дильдабеков бокс мектебінің директоры, А.Нуртаев облыстық басқарма бастығы, ДШжС ОҚО; Б.Ахметов ауыр атлетика бойынша аға тренер;

5В010300 – «Педагогика  және психология»

Кәсіби қызметінің саласы:

- Мемлекеттік, қоғамдық, жеке  меншіктік білім беру мекемелері, мектеп, орта кәсіптік оқу орындары (колледждер, гимназиялар, лицейлер), мектеп алды оқыту мен тәрбиелеудің жүйесі.

5В010400 – «Бастапқы әскери дайындық»

Кәсіби қызметінің іс – әрекет сферасы:

- Мемлекеттік, қоғамдық, жеке  меншіктік білім беру мекемелері, мектеп, орта кәсіптік оқу орындары (колледждер, гимназиялар);

- Азаматтық қорғаныс жұмысын ұйымдастыру;

- Әскери  - техникалық үйірмелер мен секциялардың жұмысын басқару;

- Ұлттық қауіпсіздік қызметі, әскери бөлімдер, әскери комисариаттар, кеден, ішкі істер департаменті.

5В010500 – «Дефектология»

Кәсіби қызметінің саласы:

- мемлекеттік, қоғамдық, жеке меншіктік білім беру мекемелері, түзету

– арнайы мектеп алды және мектеп мекемелері арнайы мектеп – интернаттарда, психологиялық – педагогикалық түзету кабинеттерінде, психологиялық  медициналық  - педагогикалық  кеңес беру мекемелерінде, балалар емханасында , балалар санаторияларында ,жетімдер үйінде ,балалар оңалту орталықтарында, балалар үйінде балалар мен жасөспірімдердің әлеуметтік сауықтыру орталығы.

5В010800 – «Дене шынықтыру және спорт»

Кәсіби қызметінің саласы:

- мемлекеттік,қоғамдық,жеке меншіктік білім беру мекемелері, мектепке дейінгі, мектеп, орта кәсіптік оқу орындары (колледждер, гимназиялар, лицейлер),балалардың спорт мектептері мен клубтары;

5В011300 – «Биология»(педагогикалық)

5В060700 – «Биология»(ғылыми)

Кәсіби қызметінің іс – әрекет сферасы:

- Биология пәнінің мұғалімі

- Биохимиялық,гигиена – санитарлық лабараторияларда;

- Экологиялық қызметтерде

- Көгалдандыру саласында

- Табиғатты қорғау саласында қызмет атқарады