Дене тәрбиесі, спорт ілімі мен әдістемесі

Кафедра меңгерушісі

Балабеков Айдархан Төреханович

педагогика ғылымдарының кандидаты, доцент м.а

 

Мекен-жайы: ОҚМУ Байтурсынов көш.№10ғимарат, №10 каб. 

►Профессор-оқытушылар құрамы

Жалпы кафедра тарихынан мәлімет
«Дене тәрбиесі спорт ілімі мен әдістемесі» кафедрасы 1966 жылы құрылды.   Кафедраның бірінші меңгерушісі болып аға оқытушы Д.В.Денчик 1973 жылға дейін жұмыс істеді. 1973-1980 жылдары кафедра меңгерушісі жұмысын аға оқытушы М.М.Федосов атқарды.
Кафедрада  М.Б.Сапарбаев, Б.К.Алибаев, В.М.Лесогор, Л.М.Таранущенко, Ю.Р.Ирисметов, ЛюК.Кострица, И.А.Юзкаев және т.б. жұмыс істеді.
1980 – 2011 жылдары  кафедраны п.ғ.к., доцент Тлеулов Э.Д. басқарды.
2011ж. қарашадан 2013ж. тамызға дейін кафедраны п.ғ.к., доцент Садирмекова Ж.Б. басқарды. 2013 ж. қыркүйектен кафедраны п.ғ.к., доцент м.а. Балабеков А.Т. басқаруда.
Дене тәрбиесі және спорт саласында кәсіби маман даярлауда көпжылдық ғылыми және оқытушылық тәжірибесі бар жоғары дәрежелі оқытушылар, ғылым кандидаттары, доценттер жұмыс істейді. Олар доценттер: Тлеулов Э.Д.,  Исаев Е.Б., Жолдасбекова Б.А.  және т.б.      
Кафедрадағы оқу процестерін ұйымдастыру жұмыстары ҚР  ЖМББС және т.б. нормативтік құжаттарға сай. Кафедрада  замануи инновациялық педагогикалық технологиялар енгізілген. Олар презентециялар, тесттер, глоссарийлер. Кафедра оқытушылары оқу процесінде пән бойынша студенттердің танымдық белсенділіктерін арттыру құралдарын, дәріс сабақтарында бейнематериалдарды, бейнежазуларды кеңінен қолданады.          
Кафедра студенттері қажетті оқу-әдістемелік әдебиеттермен қамтамассыз етілген.
Кафедрада студенттердің өзіндік жұмыстарын ұйымдастыру мақсатында СӨЖ, бақылау, басқару және жоспарлауға арналған, курстық және дипломдық жұмыстарды орындауға арналған әдістемелік нұсқаулар жасалған.            
Кафедрадағы  СӨЖ, ОСӨЖ-ді ұйымдастыру оқылатын пәндердің бағдарламасына сәйкес.
Кафедрада барлық мамандықтар бойынша дәріс топтамалары және конспектілер бар.  
Кафедраның базалық пәндеріндегі дәріс сабақтарының мазмұнына спорт ілімінің жаңа жетістіктері, ҚР Спорт туралы Заңы, Президент сынамалары,  ҚР Үкіметінің кешенді бағдарламалары енгізілген.
Кафедра студенттерінің оқу үлгерімін бақылауды ұйымдастыру жұмыстары  студенттерді аттестаттау ережесіне сай.  Оқу пәндері бойынша емтихан тест түрінде, ауызша және жазбаша түрде жүргізіледі.       
Мемлекетаралық бақылау  нәтижесі студенттердің білім деңгейінің сапасы маман даярлау сапасына сай екендігін көрсетті. Кафедрада төмендегі өзекті мәселелер бойынша әдістемелік семинар жұмыс істейді: «Мектепке дейінгі мекемелердегі дене тәрбиесі», «Кәсіби-қолданбалы дене дайындығының заманауи мәселелері», «Әр түрлі жастағы тұрғындардың қимыл белсенділігінің күн тәртібі».
Мамандарды дайындаудың мақсаты мен міндеті педагогикалық іс-тәжірибені өткізу және ұйымдастыру талаптарына сай. Кафедрада оқу-ғылыми өндірістік кешендерімен (УНПК) жасалған келісім-щарттар,  студенттерге іс-тәжірибеде берілген тапсырмаларды орындаудың бағдарламалары мен әдістемелік нұсқаулары бар. Педагогикалық іс-тәжірибе біткеннен соң іс-тәжірибенің қорытындысы бойынша студенттер дифференциалдық сынақ тапсырады. Өзекті мәселелер бойынша студенттерге шолу дәрісін өткізеді.

Кафедра ПОҚ төмендегі ғылыми тақырып бойынша ғылыми бағытта жұмыс жүргізеді: «Проблемы использования народных  игр и национальных видов спорта во внеклассной работе в общеобразовательной школе».
Мемлекеттік бюджет бойынша орындалатын ғылыми-зерттеу жұмысының тақырыбы: «Методика повышения двигательной активности у подростков во время учебных занятий» шифрі Б-ФСК-06-12-05/1.Жұмыс бес бөлімнен тұрады. Аға оқытушы Жолдасбекова Б.А.  төмендегі ғылыми жобамен жұмыс жүргізуде:  « Теоретические основы  проектирование педагогических технологии в процессе повышения квалификации педагогических работников».
Кафедра ПОҚ Қазақстан Республикасының республикалық және аймақтық конференцияларына белсенді қатысады.
Жоспарға сай кафедра  оқытушылары жыл сайын ғылыми еңбектері мен оқу-әдістемелік әдебиеттерін жарыққа шығарады. Кафедра бойынша 300-ге  жуық ғылыми еңбектер мен оқу-әдістемелік әдебиеттер жарық көрген.
Кафедрадағы студенттердің  ғылыми-зерттеу жұмысы өз дәрежесінде жүргізілуде. Алда Елбасы Н.Ә.Назарбаевтың Жолдауын орындау мақсатында студент жастардың ғылыми-тәжірибелік жұмысын дамыту жоспарлануда.
Алматы қаласында «Дене тәрбиесі спорт ілімі мен әдістемесі» пәнінен өткен  республикалық олимпиадаға қатысқан төмендегі студенттер Рысбеков Ж., Баймырзаев Б., Альжанов Ж. олимпиядаға қатысқаны туралы сертификат алды.
Елбасы Н.Ә.Назарбаевтың Қазақстан халқына жолдаған «Жаңа онжылдық- жаңа экономикалық өрлеу» атты Жолдауына арналған Шымкент қаласы М.Әуезов атындағы ОҚМУ-да өткен студенттік ғылыми университеттік конференцияға 27 баяндама беріліп, оның ішінде 3 студенттің баяндамасы мақтауға лайық деп танылды.
Жыл сайын қыркүйек айында студенттер және тәлімгерлер «Білім күніне» арналған акцияға қатысады. Барлық оқу топтарында  «Президенттік шақырым – денсаулыққа жол» атты іс-шаралары болып өтеді.
Студенттер «Республика күніне», «Қала күніне» арналған іс-шараларға қатысады. «СПИД - ХХ ғасырдың дерті» атты дөңгелек столда есірткінің, темекі шегудің және арақ ішудің адам ағзасына зиян екендігі туралы кеңінен атап өтілді. Студенттер аймақтық, қалалық, университетаралық, халықаралық  спорттық жарыстарға белсенді қатысады.
«Жастар және саясат» атты тәлімгерлік сағаты, «Қазақстанның болашағы жастардың қолында», «Ғылым және өмір», «Ғылым және жастар» атты диспуттар мен семинарлар болып тұрады.
Студенттер тәлімгерлермен бірге қала музейлері мен театрларға барады. Барлық оқу топтарында «СПИД-ке жол жоқ, есірткіге жол жоқ» атты тақырыпта әңгімелесу жүргізіледі.
Кафедра студенттері «Қазақстан Республикасы Тәуелсіздік күніне» арналған спорттық жарыстарға белсене қатысып, Олимпияда ойындарына қатысушылармен, республикаға, облысқа және қалаға танымал ең таңдаулы спортшылармен кездесіп отырады.
Кафедра студенттері «Жасыл ел» және студенттік құрылыс отрядтарында белсенді жұмыс істейді.
Студенттер «Халықаралық әйелдер күні - 8 мартқа» және «Наурыз» мерекесіне арналған іс-шараларға белсенді қатысып отырады.
Кафедра оқытушылары Елбасы Н.Ә.Назарбаевтың «Қазақстан Халқына» жолдаған Жолдаулары туралы №1 жатақхана студенттерімен әңгімелесу жүргізеді.
«Жеңіс Күніне» және Ауған соғысы ардагерлеріне арналған тәлімгерлік сағаттары өтіп отырады.
Кафедра ПОҚ мектептік және спорттық гигиена, спорттық медицина, спорттық физиология, анатомия және спорттық морфология пәндерінен А.Жолдасбеков атындағы № 9 мектеп-лицейінде, А.Байтұрсынов атындағы №50 мектеп-гимназиясында және Б.Саттарханов атындағы облыстық дарынды балалар спорт мектеп-интернатында теориялық және тәжірибелік сабақтар жүргізеді. Сонымен қатар, спорт түрлерінен, гимнастикадан, спорттық күрестің әр түрлерінен мастер-класстар жүргізеді.
«Дене тәрбиесі және спорт» мамандығы бойынша  педагогикалық іс-тәжірибе кезінде кафедра оқытушылары мен студенттер белсенді үгіт-насихат жұмыстарын қала мектептерінде ғана емес, сонымен қатар облысымыздың  Түлкібас, Сайрам, Төлеби, Ордабасы, Қазығұрт аудандарындағы ауылдық мектептерінде де  кеңінен жүргізеді.
Оқу-жаттықтыру кезінде студенттердің кәсіби шеберлігін арттыру мақсатында студенттерге спорттық базалар беріледі және  студенттер спорттық жарыстарға, Қазақстан Республикасының, Азияның, Әлемнің  біріншіліктеріне және де Олимпияда ойындарына және т.б. ойындарға қатысуға мүмкіндік алады.
Кафедра түлектері: Тукеев С.А., профессор, ҚР ұлттық командасының директоры;  Аяшев О., п.ғ.д., профессор, ОҚМПИ ректоры; Кобланов Ж.Н., п.ғ.к., профессор, Қазақстан Республикасына еңбегі сіңген жаттықтырушы; Таиров Ю.А., Қазақстан Республикасына еңбегі сіңген жаттықтырушы , халықаралық дәрежедегі төреші; Давлетханов Ш.Г., Қазақстан Республикасына еңбегі сіңген жаттықтырушы; Ганота М.В., Қазақстан Республикасына еңбегі сіңген жаттықтырушы;  Юсупова А.М., Қазақстан Республикасына еңбегі сіңген спорт шебері.

Педагогикалық іс-тәжірибе
Кафедра меңгерушісі п.ғ.к., доцент  А.Т.Балабеков
Кафедра іс-тәжірибе жетекшісі: магистр.,  аға оқытушы Ж.Ш. Есмаханова.
Педагогикалық іс-тәжірибе 5В010800 - «Дене шынықтыру және спорт» мамандықтарына оқу жоспарына сай педагогикалық іс-тәжірибе 2 курс 2 апта 4 кредит, 3 курс 5 апта 5 кредит бойынша ұйымдастырылады.
Педагогикалық іс-тәжірибе мақсаты.  Үздіксіз білім беру жүйесінде, білім алушылардың  ҚР  азаматтары және патриоттары ретінде қалыптасуы мен өзін-өздері танытуларына, әлеуметтенуіне, болашақ мамандық иесі болып, кәсіби, интеллектуалды және  әлеуметтік шығармашылыққа жетуіне оңтайлы жағдай жасау.

         
Іс-тәжірибе базалары:
№ 9 Ө.Жолдасбеков атындағы лицей мектебі.
А.Байтұрсынов атындағы  №50 мектеп-гимназиясы.
№ 87 Жалпы орта мектеп
№ 47 Т.Тәжібаев атындағы мектеп-гимназия
№ 77 А.Асқаров атындағы мектеп-гимназия

Педагогикалық іс-тәжірибе барысында оқу жұмыстарын ұйымдастыру тапсырмаларына сай дене тәрбиесі сабағын басқару жүктеледі. Онда ашық сабақтар,  журек соғысын есептеу (пульсометрия), сабақ тығыздығын есептеу (хронометрирование) хаттамаларын жүргізеді.
Ал тәрбие жұмыстарын ұйымдастыру барысында педагогика және психология тапсырмалары негізінде сынып оқушыларымен төмендегідей жұмыстар атқарылады.
Сынып ұжымына, жақсы және тәртібі төмен оқушыға мінездеме жазуды үйрену.
Тәрбие сағат жоспарын құру.
Апталық кестеге сай тәрбие сағаттарын өткізу, күні бұрын қажетті құжаттарды дайындау, кітапханамен жұмыс жасау.

 

М.Әуезов атындағы оңтүстік қазақстан мемлекеттік университеті

«Дене тәрбиесі және спорт» факультеті

«Дене тәрбиесі, спорт ілімі мен әдістемесі» кафедрасы

«Өрлеу» біліктілікті арттыру ұлттық орталығы» акционерлік қоғамы

ЖОО педагогикалық мамандары оқытушыларының біліктілігін арттыру бағдарламасы

Білім беру жүйесінің басшы және ғылыми-педогогикалық кадрлары біліктілігін  арттыратын Республикалық институт Біліктілікті арттырудың ұлттық орталығы АҚ ЖОО педагогикалық мамандары оқытушыларының «Өрлеу» Ұлттық білім жетілдіру орталығында біліктілігін арттыру  бағдарламасы бойынша 2015 -2016 оқу жылы жоспарына сай «Дене тәрбиесі, спорт ілімі мен әдістемесі» кафедрасы оқытушылар құрамы  білім жетілдіру курсынан өтті.

Біліктілігін арттыру бағдарламасының оқыту мақсаты: оқытудың заманауи технологияларын меңгере отырып, тәжірибе алмасу, оны сабақ беру процесінде қолдана білу.

Осы мақсатты іске асыруда оқытудағы, ғылыми ізденістегі кәсіби қызметті жобалау мен модельдеу икемділігін жетілдіру, ақпараттар ағымын игеру міндеттері орындалды.

ЖОО педагогика мамандығының оқытушыларының біліктілігін  арттыру бойынша игерілген модульдер мазмұны

Модуль

Модульдің тақырыбы

1

1-   Модуль

«Үздіксіз білім беру жүйесіндегі заманауи әдістер».

2

2-   Модуль

«Өзін-өзі дамыту, өзін-өзі жетілдіру, өзін-өзі іске асыру технологиялары».

3

3-   Модуль

«Білім нәтижесін бағалау жүйесі»

4

4-   Модуль

«Оқыту және оқу жүйесіндегі заманауи сандық технологиялар».

 

Есмаханова Жарқынай Шарабидиновна

Портфолио жетекшісі:  п.ғ.к., доцент Төлешова У.Б
Курстан өткен уақыты: 27.04.2015-23.05.2015 ж.

«Дене шынықтыру және спорт  пәнін оқытудың әдістемесі» пәнінен «Сабақта дене жаттығуларын құрудың негіздері»  тақырыбында портфолио қорғалды.

Есмахан Нұрлыбек Жанәділұлы.

Портфолио жетекшісі:  доктор PhD Зейнолла С.Ж.
Оқу мерзімі: 27.04.2015-23.05.2015 ж.

«Дене тәрбиесі» пәнінен «Күрес спорты - күштілік сапасын дамытудың негізі» тақырыбында портфолио қорғалды.

Байхожаева Базаргул Елеусиновн,                  

Портфолио жетекшісі:  п.ғ.докторы Оспанов С.И.

Оқу мерзімі: 21.09.2015-03.10.2015 ж.

«Дене мәдениетінің бұқаралық сауықтыру жұмыстарын ұйымдастыру» пәнінен «Дене жаттығуларын өткізудің әдіснамалық негіздері» тақырыбында портфолио қорғалды.

Рысбаев Нурдилла Анаркулович,                  

Портфолио жетекшісі:  аға оқытушы Ниеткалиев А.А.

Оқу мерзімі: 26.10.2015-08.11.2015 ж.

 «Дене тәрбиесі» пәнінен «Күрес спорты – дене сапаларын шыңдау мен жекпе-жек негізі» тақырыбында портфолио қорғалды.

ЖОО педагогикалық мамандарды оқытушылары біліктілігін арттыру курсы бағдарламасын толығымен меңгертілді, алған теориялық білімдер университет  оқу-тәрбие үдерісінде  қолдану.