Басты бет

Дене шынықтыру және спорт факультеті М.Әуезов атындағы Оңтүстік Қазақстан мемлекеттік университетінің білім беруді ұйымдастыру және спорт-сауықтыру кешендерінің уздік мамандарын даярлайтын жетекші факультеттердің бірі. Факультетте 1000ға жуық студенттер және магистранттар білім алуда, факультет қабырғасынан жыл сайын 200 ге жуық мамандар бітіріп шығады.

Факультетте 102 педагог мамандар жұмыс жасайды, оның ішінде 1 профессор, ғылым докторлары, 25 доцент, ғылым кандидаттары, 7 Қазақстан Республикасының еңбек сіңірген жаттықтырушылары және  21 Қазақстан Республикасының спорт шеберлері, 46 магистр, 31 аға оқытушы және оқытушылар.

Факультет құрамында 7 кафедра жұмыс жасайды. Факультет М.Әуезов атындағы Оңтүстік Қазақстан мемлекеттік университетінің №7 оқу корпусында, А.Байтурсынов көшесінде орналасқан.

Факультет миссиясы бүгінгі күні және болашақта еңбек нарығында талапқа ие болатын, өңірде салауатты өмір салтын және жастардың әскери-патриоттық тәрбиесінің дамуына үлес қосатын жетекші мамандарды дайындау.  Факультеттің білім беру қызметі жоғары сапалы оқу процесін қамтамасыз етуге мүмкіндік беретін, қазіргі заманғы басқару және бақылау жүйелерін пайдалана отырып білім мен ғылымды біріктіру негізінде жоғары білікті мамандарды даярлауға арналған оқытудың инновациялық әдістеріне бағытталған.

Факультетте төмендегі мамандықтар бойынша бакалаврлар және магистранттар дайындалады: 5В010300 «Педагогика және психология», 5В010400 «Бастапқы әскери дайындық»,  5В010500 «Дефектология», 5В010800 «Дене шынықтыру және спорт», 6М050300-Психология.

Факультет студенттері академиялық ұтқырлық арқылы республика, жақын және алыс шетел жоғары оқу орындарында бір немесе екі семестр оқиды.

М.Әуезов атындағы Оңтүстік Қазақстан мемлекеттік университеті спорттық қызмет жүргізу барысында Қазақстан жоғары оқу орындарының көшбасшысының бірі болып табылады. Осы күнгі дейінгі уақытта дене шынықтыру және спорт факультеті құрылғаннан бері, мұнда Олимпиада ойындарының қатысушылары, әлем чемпионаттарының, Еуропа және Азия чемпионаттарының жеңімпаздары мен жүлдегерлері білім алды. Біздің факультет студенттері табысты жүлделерімен Қазақстан ЖООның студенттік универсиадаларында да қатысып келуде. 2002, 2005, 2009,2013, 2015 жылдары біз Универсиада кубогын жеңіп алдық. 2011, 2013  және 2015 жылдары абыройлы екінші орынды иелендік. 

Құрметті достар, талапкерлер! Біз факультетіміздің ашық сайты сіздерді факультеттің және оның мамандықтарының өмірімен танысуға көмектеседі деп үміттенеміз. Біз Сіздерді қызықтырған сұрақтар, пікір және ұсыныстарыңызды сайт арқылы жіберуді сұранамыз. Біз Сіздер жіберген сұрақтарға мүмкіндігінше жауап беруге әрекет жасаймыз. Сайтымызға қош келдіңіз!

 

Дене шынықтыру және спорт факультетінің деканы,

педагогика ғылымының докторы, профессор

Жолдасбеков Абдиманап Абдразакович